FILASTROCCHE
Le filastrocche, a tema vario,
solitamente venivano recitate o cantate dalle mamme ai bambini ed anche dai
bambini e dai fanciulli singolarmente o a gruppi. Le ninne nanne, intessute di
amore materno e musicalità, servivano a conciliare il sonno dei più piccoli.
Erano tramandate da madre in figlia e ancor oggi resistono all’incuria del
tempo.
Addalalò,
addalalò.
Addalalò, addalalò,
Addalalò, addalalò,
lu sonnu veni pi 'ngannari
st'addrevu e irisinni.
Sunnuzzu
’ngannaturi 'nganna addrevi,
'ngannami
'st'addrevu pi 'u me beni,
ca lu
me beni eni tantu amatu,
sonnu
ti misi e chiantu t'ha livatu.
Addalalò, addalalò
la naca è mamma,
cu t'ama cchiù di mia,
beddru t'inganna.
‘St'addreva
beddra.
'St'addreva eni beddra, a la matina
cogli li rosi e a tutti li duna,
nni
cogli un mazziteddru a so parrina,
chiddra chi l'hav'a fari cristiana.
'St'addreva eni beddra di li fasci,
cchiù beddra si farà ora ca crisci,
ora crisci e la levu di li fasci,
cci mettu la vistina e cumparisci.
Voca e
vucagna.
Voca e vucagna,
lu re si mancia lagna,
|
lagna e la gaddrina
e havi la minneddra china china!
La Spagna e la spagnola,
l’addrevu si mancia l’ova.[1]
Lu
cincu è deci.
Lu cincu è deci,
lu deci è vinti,
lu vinti è quaranta
e la furca chi t’agguanta
e lu lazzu chi ti tira,
chiappati ‘n culu sira e matina!
Meee... meee... mee...
Meee...
meee... meee....
tutti li pecuri fannu meee,
sutta 'u latti di 'na crapa
cc'è 'na mennula pistata.
Affaccia lu suli
cu tri cavaddra d’oru,
d’oru e d’argentu,
mi nni vaju a lu cummentu.
Lu furmentu va a quaranta
e l’aceddru chi ti canta,
chi ti canta viola viola,
bammineddru vatinni a scola!
Chiovi,
chiovi.
Chiovi, chiovi,
lu gattu s’arrichiovi,
lu surci si marita,
cu ‘na coppula di sita!
Dumani
è duminica.
Dumani è duminica,
tagliamu 'a testa a Minica,
Minica nun c'è,
tagliamula a lu re.
Lu re è malatu,
la tagliamu a lu surdatu,
lu surdatu è a la guerra
e sbattemu lu culu 'n terra!
Donna Paula
Donna Paula,
donna Paula
sutta ‘u lettu
cc’è ‘na ciaula,
e la ciaula
ciaulià,
donna Paula
s’arrabbià!
Dumani
è festa.
Dumani è festa,
si mancia minestra;
‘a minestra è cotta,
si mancia ricotta;
‘a ricotta è salata,
si mancia ‘nzalata;
‘nzalata nunni vogliu,
ddrocu veni lu ‘mbrogliu!
Luna vecchia, luna nova.
Luna vecchia, luna nova
ogni misi s'arrinnova,
tu putenti, tu lucenti
levami di 'mmucca di la mala genti!
Pizzi
e Pizzicuna.
Pizzi e pizzicuna
di Napuli e capuna,
capuna a quattro pedi
va’ chiamami a Micheli,
Micheli è picciliddru
va’ chiamami a Turiddru,
Turiddru è beddru granni
va’ chiamami a Giuvanni,
Giuvanni va cantannu
lu sceccu v’arragliannu,
passa la zita
vistuta di sita,
passa la cugnata
vistuta arraccamata,
passa lu munacuni
c’un piattu di maccaruni,
passa ‘na munacheddra
c’un piattu di lasagneddra,
cci diciva mancia mancia,
‘un voglio ch’è di ranza
e si fussi di ‘gnuri,
mi liccassi lu scanaturi.
Rosa
pitosa.
Rosa pitosa,
fimmina di casa,
veni to maritu,
ti pizzica e ti vasa!
Tirirì
tirirì.
Tirirì, tirirì
setti fimmini p'un tarì,
p'un tarì a pocu a pocu,
setti fimmini p'un pircopu.
Lu pircopu ha' l'ossu duci,
setti fimmini pi 'na nuci!
E la nuci è dura dura,
setti fimmini pi ‘na mula!
E la mula jetta caci,
setti fimmini pi ‘na faci!
E la faci havi li denti,
setti fimmini pi un sirpenti!
Lu sirpenti è ‘mmilinatu,
setti fimmini pi un granatu!
Lu granatu havi li coccia,
setti fimmini pi ‘na boccia!
E la boccia cuculia,
si nni va intra 'a putia.
La putia jetta acqua,
setti fimmini pi 'na vacca!
e la vacca havi li corna,
setti fimmini pi 'na donna!
E la donna è 'ncapu 'i casi,
Maracà mancia cirasi,
si li mancia cu so figlia,
Maracà mancia cuniglia,
si li mancia cu so nora
Maracà mancia citrola!
Luna,
Luneddra.
Luna, Luneddra
fammi ‘na cuddrureddra,
fammilla granni granni
quantu chiddra di San Giuvanni.
San Giuvanni a la marina,
ti saluta Catarina,
Catarina è la cchiù beddra,
cu lu tuppu e la zagareddra!
La zagareddra cci cadì,
San Giusippuzzu cci la riì,
cci la riì cu ‘u vastuneddru
San Giusippuzzu lu vicchiareddru.
